វ៉ាស៊ីនតោន៖ ប្រធានាធិបតីលោក Volodymyr Zelenskyy បាននិយាយថា លោកលែងដាក់សម្ពាធលើសមាជិកភាពរបស់អង្គការណាតូដើម្បីឱ្យអ៊ុយក្រែនចូលជាសមាជិកណាតូទៀតហើយ។
លោក Zelenskyy បាននិយាយនៅក្នុងបទសម្ភាសន៍មួយដែលបានចាក់ផ្សាយកាលពីយប់ថ្ងៃច័ន្ទលើ ABC News ថា៖ «ណាតូមិនបានរៀបចំខ្លួនដើម្បីទទួលយកអ៊ុយក្រែនទេ។ […] សម្ព័ន្ធមិត្តណាតូភ័យខ្លាចចំពោះរឿងចម្រូងចម្រាស និងការប្រឈមមុខជាមួយរុស្ស៊ី»។
ដោយសំដៅលើសមាជិកភាពរបស់អង្គការណាតូ លោក Zelenskyy បាននិយាយតាមរយៈអ្នកបកប្រែថា គាត់មិនចង់ធ្វើជាប្រធានាធិបតីនៃ «ប្រទេសដែលកំពុងសុំទានអ្វីមួយដោយលុតជង្គង់សុំគេ» នោះទេ។
រុស្ស៊ីបាននិយាយថា ខ្លួនមិនចង់ឱ្យប្រទេសជិតខាងអ៊ុយក្រែនចូលរួមជាមួយអង្គការណាតូ ដែលជាសម្ព័ន្ធភាពឆ្លងអាត្លង់ទិកដែលបានបង្កើតឡើងនៅដើមសង្រ្គាមត្រជាក់ដើម្បីការពារអឺរ៉ុបពីសហភាពសូវៀតទេ។
ក្នុងរយៈពេលប៉ុន្មានឆ្នាំចុងក្រោយនេះ សម្ព័ន្ធភាពបានពង្រីកបន្ថែមទៀត និងឆ្ពោះទៅទិសខាងកើត ដើម្បីដណ្តើមយកអតីតបណ្តាប្រទេសប្លុកសូវៀត ដោយធ្វើឱ្យវិមានក្រឹមឡាំងខឹងសម្បារ។
រុស្ស៊ីមើលឃើញការពង្រីកអង្គការណាតូថាជាការគំរាមកំហែងមួយ ទើបខ្លួនធ្វើប្រតិបត្តិការយោធាកាលពីថ្ងៃទី ២៤ ខែកុម្ភៈ៕
